謝寧向御膳大師齊金柱拜師學做宮廷菜 志偉佩服大廚烹飪功架大飽口福

曾志偉呢晚以一身唐裝服飾出席為慶祝國慶75周年而舉辦嘅宮廷小滿漢金花宴，晚宴以傳承至今嘅滿漢全席方式烹煮，有過百位廚師入廚，每道菜式都係清朝宮廷菜。

三姐同謝寧以清朝打扮現身晚宴
三姐蕭秀香趁機向御膳大師齊金柱偷師，三姐更以太后造型出場，笑指想配合主題，同時大家開心一下，熱愛烹飪嘅謝寧亦粉墨以格格造型亮相，佢成功拜入齊大師門下，學做滿漢全席，謝寧回想當年選港姐後第一個job，就係幫日本富士電視台拍滿漢全席，令佢對呢樣嘢印象好深刻。
志偉亦有參加呢日由御膳大師主理嘅晚宴

謝寧回想以前拍過唔少古裝，卻從未演過格格，今次可以著清裝；同場嘅志偉一向欣賞中華文化，難得品嚐到正宗宮廷小滿漢，佢都話大飽口福，仲大讚三姐裝扮。