第61屆金馬獎入圍名單公布 港女演員揚威三人逐影后

第61屆金馬獎今日（2號）公布入圍名單，當中由王淨、陳柏霖、張榕容主演嘅電影《鬼才之道》，共獲得11項提名，成為最多獎項入圍嘅電影。

而今屆金馬獎嘅入圍名單不乏香港演員身影，當中金馬獎最佳女主角嘅五個入圍名單中，其中四位張艾嘉、吳君如、區嘉雯及鍾雪瑩亦係大家熟悉嘅女演員；而新生代男演員 游學修 亦首次入圍競爭影帝寶座。

入圍金馬獎最佳女主角嘅包括：《從今以後》嘅區嘉雯、《女兒的女兒》嘅張艾嘉、《看我今天怎麼說》嘅鍾雪瑩、《我談的那場戀愛》嘅吳君如，以及《小雁與吳愛麗》嘅夏于喬。而最佳男主角嘅入圍名單，就包括《春行》嘅喜翔、《餘燼》嘅張震、《看我今天怎麼說》嘅游學修、《白衣蒼狗》嘅Wanlop RUNGKUMJAD及 《漂亮朋友》嘅張志勇。

另外，何妙祺亦憑電影《我談的那場戀愛》 入圍最佳新導演；江道海及梁博恩則憑電影《武替道》入圍最佳動作設計； 張叔平、黎冠東憑《從今以後》角逐最佳剪輯，另外《從今以後》亦入圍角逐最佳劇情片。