王嘉爾將自創漫畫世界變作鬼屋 與Tyson Yoshi遊歷後被嚇至發軟蹄

王嘉爾Jackson多才多藝，除咗唱歌、設計服飾同時裝騷之外，Jackson主理嘅時尚品牌最近又有新搞作，推出漫畫書之餘，Jackson仲同新加坡嘅主題樂園合作，將自己主理嘅漫畫世界，變成萬聖節屋鬼。

Jackson亦相約兩位老友Tyson Yoshi同埋著名日本平面設計師Verdy率先體驗鬼屋，估唔到Jackson比自己嘅創作嚇親，一班男人仲你推我讓，唔敢行先。眼見Jackson被嚇到有啲離魂，但受驚指數絶對唔及Tyson，因為佢驚到連未婚妻都唔理，Jackson邊行一邊提醒佢要睇住阿嫂。

不過最恐怖一刻可以話係鬼屋嘅出口，大批人拎定手機要拍低佢地體驗完嘅反應，Jackson一步出鬼屋驚到腳軟，而Tyson就不斷傻笑，但係作為專業嘅偶像，Jackson瞬間回魂，淡定地同守喺鬼屋外圍嘅粉絲打招呼。

體驗完鬼屋後，Jackson接住舉行簽書會，慶祝佢主理首本漫畫書面世，與過百粉絲近距離互動，分享創作靈感，Jackson亦親自回應粉絲提問。