Shiga曬寶貝女出生至今成長片段 帶Camila去Gym監督父母操練

連詩雅 同 陳家樂 去年4月結婚，到今年7月宣佈誕下囡囡Camila，Shiga產後極速修身逐步復工，雖然要同步照顧Camila又要餵哺母乳，不過依然狀態一流。而升任Daddy嘅家樂就忙住工作搵奶粉錢，上星期一家三口齊齊為佢慶祝生日，非常溫馨。

轉眼Camila已經3個月大，腳仔長長非常精靈有足父母修長身形嘅優良基因，而Shiga亦將心肝寶貝嘅少少成長片段剪輯成短片同大家分享，等大家齊齊睇住Camila由初生到3個月大嘅神奇成長過程。Shiga亦Post出同家樂一齊帶埋BB Camila去健身室跟父母做運動嘅短片，Shiga仲以「復操特別嘉賓」嚟介紹囡囡，見佢腹部平坦Fit到漏，唔知係想借Camila鞭策努力運動，定係想佢潛移默化，自細感受運動到健康嘅好處呢？