古淖文同400古粉慶37歲牛一 經訪訪問施壓監製加快做新歌

《中年好聲音2》冠軍 古淖文 ，啱啱過去嘅10月24日係佢嘅37歲生日，400多位古粉聯同肥媽Maria Cordero，以及一班中聲兄弟姊妹齊齊開生日會為佢慶生，場面熱鬧。German全晚禮物收唔停，其中包括乳豬同有German舞台造型嘅特製生日蛋糕。由於係比賽完咗之後第一次同古粉慶生，German特別開心：「我覺得感覺好震撼，因為平時都係同屋企人慶祝。」German為咗答謝古粉支持，仲同佢地逐一影相，真係好有心。

German同大班好友仲有逾400Fans一齊慶祝生日
除此之外，German當然都有獻唱回饋古粉，佢透露今年嘅其中一個生日願望就係可以快啲推出新歌：「新歌籌備緊啦！我等緊我嘅監製真係得閒可以幫我搞，我要藉住TVB嘅大氣電波話俾佢聽，用TVB比壓力佢。」
呢日仲話要借訪問嘅力量，迫監製快啲手推出新歌

自從比賽結束話，German嘅工作排山倒海，嚟緊佢好快又要飛去加拿大做嘢，佢將會擔任華裔小姐比賽嘅表演嘉賓，佢話次次去唔同地方工作都可以感受到《中年好聲音》呢個節目嘅威力。

好快佢又要飛去加拿大為華姐演出