直播靈接觸丨錢小豪分享外父回魂靈異事 分享身體狀況要靚仔過細佬錢嘉樂

「村長」梁思浩、黃紫恩（Jojo）及黃耀英擔任主持嘅新一輯《直播靈接觸》，喺10月28號晚邀請錢小豪擔任嘉賓，上得節目當然要分享一啲靈異經歷，小豪哥講咗一次經歷，讓佢相信回魂夜。

錢小豪現身星期一晚嘅《直播靈接觸》
小豪哥分享外父回魂嘅靈異事，呢件事發生喺十幾年前，小豪哥喺外父頭七回魂當晚，一個人坐喺花園邊飲嘢邊聽收音機，接近10點本來收音機聽得好清晰，突然有干擾發出沙沙聲，小豪哥一向唔太驚呢啲嘢，當時問：「老竇係咪返咗嚟呀？出嚟見吓面。」就有其中一個罐忽然飛開咗！
佢仲提到外父過世後回魂夜當晚發生嘅怪事

小豪哥從演以嚟拍過無數以殭忍為主題嘅作品，佢坦言唔驚鬼，亦未見過真殭屍；呢晚見小豪哥精神同身形都比之前飽滿，佢大方分享最近身體狀況，仲話要靚仔過細佬錢嘉樂。

小豪哥亦回應自己嘅身體情況