彭翔翎「還陽」變道士再扮紅衣女鬼 大馬女神李元玲性感魔鬼超火辣

新一輯《直播靈接觸》已經播出幾集，唔同嘉賓繼續分享佢哋經歷嘅離奇故事，主持 黃紫恩 仲為節目飛到唔同地方探索海外鬼故事。不過上一輯已經非常搶戲嘅「紅衣女鬼」彭翔翎，今次就有新形式同大家見面，曾為追逐演藝夢而需兼職揸的士維生嘅佢，首集就獲師傅為佢舉行儀式「還陽」，不過到最近一集，佢又要重操故業，今次仲有一嚟就幾個紅衣女鬼一齊現身，你都咪話唔猛。

而日前佢就趁住萬聖節，同男友仲有愛犬齊齊化身道士，唔止面上有恐佈化妝，佢哋仲戴晒帽有符仲有法器，合照非常可愛有趣。

講完呢個「翎」，亦有另一個非常惹火嘅「玲」，曾師承 李雲迪 嘅大馬鋼琴女神 李元玲 唔止平時愛Cosplay唔同打扮，亦非常唔吝嗇自己嘅魔鬼身材，堅持長期健身嘅佢，萬聖節就變身做性感火辣魔鬼，同朋友開Party時又化身啤牌中嘅小丑造型。

早年佢曾參演電影《盂蘭神功》、《辣警霸王花》，今年亦喺安志杰 吳建豪 主演嘅內地新片《赴湯蹈火》中演出。