中聲唱將商場busking場面熱鬧 顏志恒羅啟豪用心揀歌贈粉絲

羅啟豪 顏志恒 劉可 以及 陳俞霏 為節目《J Music》去到商場busking，吸引大批粉絲前來支持。幾位見到現場粉絲逼爆都覺得好興奮，就連busking經驗豐富嘅啟豪都唔例外。而第一次busking嘅俞霏話好榮幸可以同三位靚仔同場，至於劉可就不停搞gag話好熱，因為現場粉絲太熱情咁話。

四位中聲唱將為咗呢日嘅busking都費盡心思揀歌，Benson刻意挑選之前比賽冇唱過嘅歌，希望俾到大家新鮮感，比賽過程冇乜唱過國語歌嘅Benson，仲難得獻唱偶像許志安嘅國語歌《想說》，啟豪同樣揀咗從未喺電視上唱過嘅歌，可以話係誠意十足。