蔡思貝帶同事出戰機場三跑 遇發哥輪流合照集郵再獲讚

已經建成亦即將啟用嘅機場三跑，星期日舉行長跑國際賽，吸引咗大批健兒參加，今次更係繼當年新機場啟用時舉行長跑賽後，再一次可以近距離於機場難得進入嘅禁區活動。除咗噚日已經同大家直擊過嘅 周潤發 同 唐詩詠 之外，TVB嘅 蔡思貝 劉穎鏇 吳偉豪 同 朱敏瀚 亦都有參加呢次盛事。

呢日佢哋又遇上一樣參加比賽嘅發哥，仲齊齊合照自拍，發哥仲話希望往後有機會可以挑戰全馬賽事，仲話如果留港各個跑步熱點都隨時會同大家見到面咁話。

至於代表TVB嘅幾位就齊齊衝線，非常熱鬧。而擔任表演嘉賓嘅 周吉佩 就非常羨慕大家可以落場，自己就因為幼時嘅舊患，難以參加長跑，覺得非常可惜呀。