許冠文睇好衛詩雅封影后 無信心問鼎影帝期與發哥合作

許冠文 同 黃子華 主演嘅新戲《破．地獄》票房口碑雙豐收，呢日Michael聯同 衛詩雅 以及導演陳茂賢齊齊出席宣傳活動，兼宣布票房衝破6000萬嘅好消息，大家仲送上蛋糕為Michelle提早慶生。今次Michelle嘅演出得到一致讚賞，連Michael都睇好佢有機會衝擊影后寶座。

話題電影《破．地獄》票房突破6千萬
Michael大讚Michelle完成融入角色，話拍攝過程真係當正佢係自己個女，得到Michael嘅讚賞，Michelle話已經當自己係攞獎啦！不過問到自己有冇信心問鼎影帝，Michael就表現得好謙虛啦！
Michelle仲獲Michael大讚有機會問鼎影后

由林家謙創作嘅電影主題曲《普渡眾生》成功為電影畫龍點睛，好多觀眾大讚歌曲催淚，Michael話連細佬許冠傑都好鍾意呢首歌。講到家謙同自己同一日生日，都係9月3號，Michael就話證明嗰日出世嘅都係叻仔。
大家亦為佢提早慶祝生日

講起周潤發都話已經book咗戲飛準備去睇套戲，Michael就話自己都好期待有計劃可以同發哥合作，仲話發哥係自己嘅偶像添。

Michael又提到希望有機會同發哥合作