金秀賢人氣超旺吸引最多歡呼聲 新美國隊長Anthony Mackie盼食辣蟹

韓星金秀賢、朱智勳、朴寶英、曹寶兒、柳承龍、朴恩斌、美國隊長Anthony Mackie等國際巨星雲集，一齊行藍地氈出席影業公司喺新加坡舉行嘅作品發布會，一眾粉絲一早塞爆整個商場，群情洶湧！

曹寶兒 金秀賢
兩日活動集合超過500位傳媒同觀眾，活動除咗介紹旗下超級英雄電影同動畫企劃外，亦有唔少日韓劇集，吸引最多歡呼聲就係金秀賢登場嘅一刻，見佢人氣超旺，今次佢喺新劇飾演老翻大王。

新美國隊長Anthony Mackie
新「美國隊長」Anthony Mackie到訪新加坡趁機品嚐新加坡辣蟹，呢次佢同傳奇嘅「福伯」夏理遜福（Harrison Ford）合作，Anthony Mackie讚福伯一到片場即全身投入演出，唔會拒絕任何要求，又會親身上陣，令整個拍攝氣氛好開心。

朴寶英 朱智勳

朱智勳呢日撐住拐杖現身，親切走近粉絲堆，不忘與粉絲砌心心，而同朱智勳合作新劇嘅朴寶英希望大家支持佢哋嘅新劇，拜託大家喺網上講好話給予正評。同場嘅柳承龍仲獲送生日驚喜，收到生日蛋糕，令佢非常開心。

柳承龍 朴恩斌