李佳為學生安排歌唱比賽近百人參加 埋頭籌備下月推出全新個人單曲

自細已經接受音樂培訓同成為音樂界一員嘅 李佳 ，舉家移居來港之後，參加咗唔少歌唱比賽，更係《中年好聲音》亞軍，而其實佳佳亦一早已經開設音樂教室，為有志向音樂發展嘅朋友傳授心得同技巧。

李佳近日再為音樂學校學生舉辦歌唱比賽
近日佳佳忙住籌備12月發佈嘅全新個人單曲，而剛剛過去兩星期，佢仲忙住音樂工作室連續第6年舉行嘅歌唱比賽。今年，學校有80多名學員積極報名參與，參與人數更創歴年之冠！

身為老師嘅佳佳仲親自設計獎牌、獎杯，又設立獎學金學券以作鼓勵，今次又邀請多位經驗豐富嘅比賽評審，仲包括同佢齊齊參加《中年好聲音》結識同合作過嘅好朋友 鄧家豪 擔任總決賽評審。
佳佳親自擔任評判之餘，仲邀請中聲好友鄧家豪幫手

佳佳指參賽同學表演出色，賽後仲分享咗自己感受，佢指學生追隨自己學習唱歌多年，對音樂充滿熱誠，希望大家都繼續努力，將好歌帶予身邊人，為大家帶來正能量，部份學生參與多個校外比賽一樣屢穫殊榮，就令佳佳更加欣慰同開心喇。

佳佳仲話，自已參加《中聲》後有機會踏上更大嘅舞台，往後都會繼續堅持，同埋將歌唱經驗同技巧傳承予新一代。

今年有超過80人報名，身為老師嘅佳佳都話喜出望外