鄭丹瑞69歲生日開工收窩心驚喜 新戲演獨居長者被流狗改寫生活

鄭丹瑞旦哥 、 盧慧敏Amy Lo 領銜主演，馮允謙Jay Fung 、 廖子妤Fish 等演出電影《得寵先生》將於11月底公映，一眾演員們以及戲中嘅狗演員呢日齊集宣傳，分享拍攝難忘事。

《得寵先生》呢日舉行首映。

宣傳當日適逢旦哥69歲生日，雖然生日正日要工作，但旦哥亦有窩心收獲，全場大合唱生日歌同送上蛋糕為佢驚喜慶祝，旦哥許願時感謝大家愛護同支持新戲上映。
眾演員為旦哥慶祝生日。
旦哥喺戲中飾演一位60歲臭脾氣嘅長者，一直過著獨居生活，生無可戀嘅佢決定上山尋死之時，幸好垂死一刻被流浪狗「燒腩」發現，引領動物義工救佢脫險。「燒腩」嘅靈性同埋窩心舉動，令原本討厭狗嘅旦哥對流浪動物改觀，展開一個溫情故事，宣傳當日狗演員都喺現場同演員重聚，打成一片。
廖子妤喺戲中飾演旦哥個女。