馮德倫稱導演經驗有助演出 陳偉霆自爆為角色增肥原因

最近熱播嘅劇集《太陽星辰》口碑不俗，當中飾演主角楊光耀嘅陳偉霆更被網民大讚演技精進不少，又指佢特意為角色增肥演出相當有誠意，對此陳偉霆指由於角色嘅生活相當幸福，所以覺得要為佢增加啲「幸福肥」先更切合角色：「劇裡有很多一家三口吃飯的鏡頭，他的生活特別幸福，我覺得他需要胖一點，有啤酒肚有雙下巴，才更貼合這個人物形象。」

陳偉霆喺劇中有一個幸福嘅家庭。
近年主力擔任導演嘅馮德倫，今次就以演員身份參與演出，佢嘅導演經驗亦對呢次演出有好大幫助：「演繹過程中很多時候是需要『收』著演的，因為畫面的呈現要符合角色的設定，而非一味地放開去詮釋，近年來從事導演工作亦更容易了解整個劇的整體呈現。」馮德倫又爆隨住劇情嘅發展，佢飾演嘅角色陳子俊，更係連接過去與現在、正義與邪惡嘅關鍵點，而之後嘅劇情更會有唔少驚喜畀到觀眾。
陳偉霆於新劇嘅演出備受讚賞。
陸駿光飾演嘅劉偉滔喺劇中亦佔咗相當重要嘅位置，當中嘅演出亦獲網民及觀眾讚賞：「可能就係演員同角色之間搵到個connection ，劇中偉滔由初入行去到2018年都真的有25年，好巧合地我入行亦都已25年！」陸駿光指身邊好多朋友都已經好少開電視追劇，所以自己都好surprise呢套劇可以再次引起大家對港劇嘅興趣：「我問朋友們為何會追看，他們的回覆是覺得題材、演員吸引！」
陸駿光馮德倫《太陽星辰》喺myTV SUPER有得睇。