獨家‧歡樂滿東華2024｜黃奕斌耍火關刀顯霸氣 林沚羿挑戰火圈舞爸爸嗌心痛

年度籌款《歡樂滿東華2024》中不乏高難度表演，今年其中一項重任由兩位新生代歌手林沚羿(Venus)同黃奕斌 （Hugo），佢地喺Venus嘅爸爸、金牌武術指導林迪安指導下，上演與火共舞，Venus大膽挑戰唯美嘅火圈舞，而本身有舞蹈功底嘅Hugo就大耍火關刀，喺最後嘅重頭戲，Venus同Hugo仲以火燃點起捐款熱線。

Venus表演火圈舞期間最大挑戰係呼吸困難，爸爸林迪安其實好心痛女兒，但基於唔想縱壞阿女，所以事前冇直接講出口。而Hugo本身好怕火，但經迪安哥嘅專業指導下，慢慢學識同火合作嘅節奏，但都會有啲膽怯。

今次嘅表演事前經過反覆測試，做足安全功夫，先可以呈現咁好嘅效果，迪安哥對兩位學生嘅表現相當滿意，仲預告下次會再向高難度挑戰。