劉青雲驚開金口唱歌派福利變倒米 主演電影票房首日破150萬大關

劉青雲、谷祖琳同導演翁子光現身戲院謝票，電影首日上映加優先場票房破150萬，三位格外興奮。有人提議若再創佳績，青雲同小谷獻唱電影歌曲派福利。

青雲一聽到就話唔想倒米，難得票房咁好，搞一搞啲人散晒點算，反叫小谷同導演唱歌。被在場傳媒再三追問點先會開金口？青雲就乘勢話自己本身係歌手，單靠演戲會飯都冇得食，唔單止係歌手，仲成日跳舞，又幽默表示：「我嘅星途充滿起跌，有血有淚，有今時今日唔係咁容易。」

小谷近日喺社交平台以角色名字金燕，寫咗一封信給老公永年，佢解釋因為喺戲中睇到好回信時，都覺得媽媽冇一個機會同爸爸及仔女講一啲說話，所以隔空傳遞訊息。