電影泉攻略丨彭發分享親身見鬼經歷 恐怖新作嚇到明禎飛起丨EP132

王鎮泉 Jeoffrey 每星期為觀眾提供最熱辣電影資訊，中外猛片專訪花絮上映時間全部集齊，「電影泉攻略」個個星期陪你睇新戲。

泉叔 新加坡 直擊上集大收嘅《魔海奇緣》續篇新作推出，繼續原班人馬配音嘅《魔海奇緣2》聖誕檔上映，相信一定會再掀熱潮喇，而2026年仲預計將推出真人版，到時Rock又會唔會如大家所願參與演出呢？

本周新片速遞包括發生於上集故事3年後嘅《魔海奇緣2》，Moana再次應先祖召喚，同一眾好友揚帆到神秘海域，展開全新嘅大冒險。

以真實倫常慘案為藍本嘅《爸爸》，劉青雲歷經帶病兒子殺害母妹後，強忍極大悲痛繼續經營茶餐廳。逝者無法復生，而面對囚禁嘅親兒骨肉亦同樣痛苦。
《怪殺一夜情》就以連人殺人犯嘅色慾佈局，將一夜歡愉變成連還奪命夢魘。

手機現今人手不可或缺，而專將人性恐佈發揮到極殃嘅 彭發 就將手機同靈界直接搭通，女主角 林明禎 就玩電話玩到撞鬼，雖然護照失而復得，不過由《見鬼》到今次電話有鬼，彭發就指恐佈源於生活當中，唔知佢又點睇呢次女主角失場喇。

擅於操控恐懼嘅導演，今次唔玩食物同空間，直接將唔可以離手嘅手機作題材，當手機可以駁通陰間，大家仲會唔會日玩夜玩呢？彭發指恐佈片導演一定要有靠害整蠱觀眾嘅突質，而令大家有陰影就係最成功嘅事。

被整蠱嘅除咗觀眾，仲有女主角明禎，原來其中一場導演就安排攝影師匿喺鬼屋一角，毫不知情嘅明禎就被嚇到原地飛起，可惜畫面就未能同大家見面喇。導演仲爆一場墳場取景戲，一到場明禎就嚴禁所有工作人員叫自己個名，因為擔心會惹「事」上身，原來仲係林媽媽嘅叮嚀。

唔少人都指戲行係偏門，而靈界好朋友就最鍾意睇拍戲，拍鬼片出晒名嘅彭發，亦分享自己嘅靈異經歷，《見鬼》嘅電梯戲嚇壞人，原來佢亦曾搭電梯出事，仲話恐怖程度連自己都頂唔順。