呂良偉逆生長越老越有型 計畫出書分享無私教凍齡

成立50年嘅香港廣告業聯會，近日舉辦金紫荊國際廣告大獎頒獎晚宴，香港與內地唔少廣告精英齊集現場競逐各個獎項，而呢晚嘅「最佳代言人大獎」就頒予縱橫影視行業榮多年嘅 呂良偉 而同樣深耕電視行業多年嘅 蔡和平 就獲大會頒發終身成就獎。

大會表揚呂哥自70年代中期投身演藝事業，由《上海灘》嘅丁力到《跛豪》演繹梟雄嘅突破，直至今日依然活躍演出，更大讚呂哥魅力更勝往昔。

當年一個運動鞋廣告至今仍然深入民心嘅呂哥，近來現身時依然有型男人味爆燈，呢日佢同太太楊小娟一齊出席盛會，凍齡有術嘅呂哥正籌備將私藏秘訣匯集成書，打算公開自己抗衰老竅門，同大家齊齊逆齡呀。