森美主持新節目講明乜都拗 嘉賓陣容強鐵嘴鬥毒舌

森美 主持嘅新節目《今晚乜都拗》已經開始錄影，呢日嘅嘉賓 吳若希 梁競徽 丁子朗 戴祖儀 孔德賢 吳幸美 李旻芳 齊齊參與拜神，氣氛非常熱鬧。而節目開宗名義就乜都拗一餐，見識廣博嘅森美就指參加者想贏其實一啲都唔易喇。

現代社會尤其網上大家都可以暢所欲言，不過森美就指節目除咗講道理之餘，仲要令觀眾信服，競徽同Danny就指做功課都唔一定有用，而Jinny就話自己最放心係森美唔會落場，少咗強勁嘅對手輕鬆唔少呀。

Jinny最近不時到唔同城市開騷，呢日就對老友Joey有少少微言，指邀請對方做嘉賓就遲遲未獲回覆，搞到佢要出擁抱攻勢撒嬌求原諒，仲借機會宣佈年初嘅首次音樂會呀。