83歲無綫前資深演員曹濟因病離世 患長期病腎功僅餘一成每周兩日複診及洗血

無綫前資深演員曹濟於本月10號喺醫院離世，終年83歲，家屬於12月28號為其低調辦理身後事，在世界殯儀館設靈，翌日出殯。

曹濟曾為TVB藝員，參演唔少劇集拍攝，參演過《大時代》、《刑事偵緝檔案II》、《天地男兒》及《笑看風雲》等劇集，曾與周潤發、梁朝偉、戚美珍、劉德華、張智霖及黎耀祥等有對手戲，其演出嘅角色深入民心，後嚟曹濟因關節勞損及患糖尿病正式退休，閒時與太太結伴遊內地大江南北，曹濟去年9月更由太太陪伴下，相約蘇恩磁同余慕蓮一齊茶聚閒聊。

有報道訪問其家屬指曹濟彌留狀態時，太太及一對仔女一直陪伴在側，其胞弟稱曹濟飽受病痛多時，又指曹濟無悔今生，子女學業有成都係專業人士，又讚阿哥曹濟雖係綠葉，但係「牡丹雖好，全仗綠葉扶持」。 

曹濟之前曾為南區復康專線拍攝宣傳片，見佢身形消瘦、頭髮花白，曹濟喺影片中談及近況，稱本身患長期病患，需要定期複診，幾年前醫生檢查後，發現其腎功僅餘一成並需要做手術，曹濟出院後要靠輪椅代步，手術後每周兩日需要前往醫院複診及洗血，曹濟出行動不便，每次搭交通工具去複診亦比較困難。