旗安84真人騷化身CEO挽救企業 鄭容和大讚對方超有創意

韓國漫畫家 旗安84 喺2023年以首位非藝人姿態，勇奪一個電視台嘅演藝大賞之後，升呢成為演藝界一哥。早前佢就聯同CNBLUE嘅 鄭容和 韓惠珍 MIMI 主持全新嘅真人騷。旗安84以CEO姿態探訪唔同嘅企業，從而協助佢哋發展業務。其他三位主持就喺錄影廠到睇住旗安84出謀獻計，題材新穎。

呢日幾位主持一齊出席記者會，鄭容和都話係首次同旗安84見面，佢更大讚呢位節目中嘅CEO有創意，唔係純為節目效果，不時提出連企業職員都猜諗過嘅新方案。

而經常同旗安84合作嘅韓惠珍發表嘅感言相當唔客氣，大爆旗安84人品有啲孤癖，佢同鄭容和以及MIMI先係緊密嘅三人搭檔，仲話要到得過演藝大賞嘅人馬保持距離，身旁嘅MIMI急忙和應，令在場記者爆笑。