林文龍為愛女天若慶祝15歲生日 郭可盈祝囡囡生活被愛包圍

林文龍喺2004年迎娶郭可盈，兩夫婦喺2009年結束二人世界，誕下囡囡Tania（天若）。眨眼間今年1月14號就係Tania嘅15歲生日，文龍同可盈當然要為寶貝女準備一連串慶祝活動，人緣甚佳嘅Tania日前相約咗一班朋友慶祝。

壽星女Tania着白色露肩連身裙，喺媽咪可盈帶領下，一班好朋友合唱生日歌，而派對房佈置以粉紅色為主，再加上金色15數字氣球，Tania亦喺社交平台分享生日相，同埋感謝大家為佢慶祝。

文龍同可盈就喺正日同寶貝女食生日飯慶祝，Tania喺維多利亞港背景襯托下許願切蛋糕，而可盈就以英文寫上「祝我寶貝女兒生日快樂！祝您的生活充滿美好回憶，健康，快樂，被愛包圍！ 永遠愛你… 」，果然係廿四孝好媽咪！