楊卓娜失落獎項獲老公鼓勵 「老婆你是我的女主角」sweet 到爆

楊卓娜喺台慶劇《黑色月光》中，同妹妹 楊茜堯 合作演出，演技備受肯定，可惜最後都未能攞到「最佳女配角」，雖然同獎項失之交臂，但Lenna 卻得到老公最大嘅肯定。

原來Lenna老公喺頒獎禮早早就秘密準備咗一隻可愛嘅名牌熊公仔匙扣鼓勵，除此之外仲手寫充滿温度嘅心意卡寫道：「老婆：你是我的女主角」，真係sweet到不得了！而收到老公嘅窩心舉動，已令Lenna既開心又滿足，佢仲即刻喺社交平台出Post表揚老公。

佢寫道：「其實唔想賣廣告，不過真心好開心，今朝凌晨5點瞓落床，但係比楊生叫醒，佢問我點解睇唔到？我矇住眼問睇到啲乜嘢，原來佢喺我床邊放住呢一啲嘢！禮物靚唔靚唔緊要，貴唔貴重都唔緊要，最緊要係嗰一份心意，多謝楊生！幾年前，當我都入咗最佳女配角最後5強，凌晨返到屋企，都同樣收到一張卡，－份禮物，女兒嘅短訊，內心好滿足！我們都不是最好的，但是我們擁有彼此，卻比擁有什麼都更好。」