中年好聲音丨中聲團隊好友齊集聚餐 為肥媽預祝71歲生日

《中年好聲音》已經嚟到第三季，節目除咗令中年人尋夢，為樂壇帶嚟好聲音，團結咗一班對音樂有熱誠嘅唱將，亦為成個中聲團隊帶嚟一種家的感覺。

喺三季節目中擔任靈魂人物之一嘅肥媽Maria Cordero，對每次參賽者同評審、導師團隊都照顧有加。嚟梗2月18號係肥媽71歲生日，一班中聲團隊好友就率先為佢慶祝生日。

車婉婉喺分享生日會嘅開心相，出席好友包括韋綺姍、黑妹李麗霞、周國豐、張佳添、陳曉東同海兒，大家一齊食飯聚會，仲為肥媽送上蛋糕鮮花，氹得準壽星女非常開心。