大S離世近兩周思念不減 小S代家人發聲明感謝關懷

大S 徐熙媛 離世近兩星期，消息一直令外界難以消化，而徐氏一家面對鉅變與滿天飛傳言，心情更難以平復。自出事後負責照顧家人同安排飛機返回台灣，再幾次向外界發聲明釐清不同消息嘅小S 徐熙娣 ，星期六中午再次發聲，於社交平台向各界表達連日來嘅關懷同致意感謝。

小S簡短寫道：「感謝大家用不同的方式悼念我親愛的姊姊熙媛，徐家誠致的表達我們的敬意。」一向依賴家二家姐大S嘅小S，事後向佢主持嘅《小姐不熙娣》請假半年以待處理家事同平復心情，近日不時同好友相聚悼念驟然離逝嘅大S。

面對白頭人送黑頭人嘅S媽 黃春梅 ，自寶貝女出事後就難掩傷痛，而近日亦Post出：「不信正義換不回 我要上戰場、給我加油吧！」，令人聯想到佢將需要要大S前夫 汪小菲 要就遺產同子女等事對薄公堂。

而據台灣媒體報道指，大S出事後急飛台北嘅 汪小菲 ，除於台北嘅不解行為令人側目，之後又公開同媽媽張蘭割席，更指佢有意於當地開設飲食生意被商場婉拒而觸礁，據稱佢日前已低調離台飛返北京。