秦沛快將80歲活力十足 與姜麗文家中溫馨共舞

嚟緊6月就踏入80歲嘅Paul哥泰沛，近年嘅幕前演出貴精不貴多，遇到好角色好劇本先接拍，正如佢喺電影《破·地獄》中飾演明叔一角戲份不多，但盡現實而不華嘅紮實演技，尤其喺靈堂向許冠文飾演嘅Hello文道別一幕，更令觀眾留下極深刻印象。

工作以外嘅時間，Paul哥就會返溫哥華享受人生，愛囡姜麗文近日亦身處加拿大陪伴爹哋，熱愛唱歌嘅佢仲同爹哋一齊喺屋企唱K共享天倫，Lesley仲一時喺爹哋身後伴舞，一時又繞實爹哋手臂唱歌，佢話永遠珍惜父女相處嘅甜蜜時光。

由Paul哥片中嘅笑容，就知佢非常享受同前世情人共處嘅時間，其實Paul哥非常愛錫Lesley，正如之前囡囡歌曲嘅MV，佢都出鏡一齊跳舞，成為兩父女一個好好回憶。