梁朝偉二世古滑雪解悶獲網民求合照 背後隱約見粉紅帽陳奕迅同場

二世古堪稱日本滑雪聖地，梁朝偉近日趁老婆劉嘉玲忙於演出舞台劇《香港式離婚》，佢同助手去北海道滑雪解悶，無論係偉仔喺雪場滑單板，抑或喺二世古行超市，偉仔難掩星味，期間被不少網民「野生捕獲」。

雖然偉仔有社恐，仍努力擠出笑容，連日對旅客要求合照，佢亦有求必應，近日有一位網民偶遇偉仔，並喺社交平台分享與偉仔合照，發現該名網民背後隱約見到戴粉紅冷帽嘅陳奕迅（Eason），一個係演技精湛嘅影壇傳奇、一個係歌聲動人嘅樂壇歌神，估計二人係同時喺二世古玩，仲喺日本愉快相聚，呢張相惹嚟好多網民直呼驚喜。