小煜因健康狀況免服兵役 胡宇威自爆曾考慮加入美國海軍

台灣藝人王大陸因涉嫌逃避兵役事件，瞬即引起牽連大波，棒棒堂成員小煜（楊奇煜）呢日出席全新實境節目記招坦言因健康狀況免服兵役，小煜患僵直性脊椎炎，又指每日至少用15分鐘先能夠從床上起身，然後再做拉筋。

同場嘅胡宇威因美國籍身份免服兵役，佢自爆喺高中曾考慮加入美國空軍，因視力問題無奈放棄夢想，然後佢有諗過考海軍，被父母勸退；講到佢哋今次拍實境節目出外景要好長時間，小煜笑指自己老婆喺拍攝3日已忍唔住帶阿仔一齊去探班。