「風少」陳浚霆重拾初心推出新歌 人生首支MV獲任達華友情演出

陳浚霆（Andrew）喺處境劇《愛．回家之開心速遞》飾演風少，其搞笑形象深入民心，甚至令大家忘記，佢係參加《 超級巨聲4》入行。 雖然Andrew專注劇集演出，但佢鍾意唱歌嘅初心，一直無改變，只係尋找機會。

踏入2025年，Andrew想以聲音畀大家感受佢嘅初心，於是推出全新單曲《大個之後》，雖然作品喺2023年底曾經曝光過一少部份，之後佢想自己第一份作品能精益求精，經過不斷修改就得到正式推出嘅版本，佢話新歌想要一份送畀家人嘅歌詞，而希望大家聽到之後有所啟發，對家人嘅愛永遠唔要追悔。

Andrew喺歌曲完成後非常深思熟慮MV點樣拍攝，佢親自拜訪MV導演同團隊、向大家表達MV故事想要呈現嘅畫面，當導演要求一位具份量嘅嘉賓參演時，佢就透過長輩嘅幫忙，誠意邀請咗任達華幫忙演出，慶幸華哥都鍾意MV劇本，所以願意抽出檔期參予。MV亦搵嚟小演員黃梓樂，Andrew話面對影帝同影壇新星合作，心理壓力好大，因為覺得不容有失，而整日拍攝時間入面，佢好感激整個團隊嘅付出，所以Andrew都不停萬歲報答大家。