獨家｜《模仿人生》開鏡張曦雯周旋子溢振朗間 美女成群新科視帝獲贈四字錦囊

新劇《模仿人生》日前舉行開鏡禮，總監製 鍾澍佳 帶領有份演出嘅 張曦雯 張振朗 羅子溢 同一眾演員參與，今次Kelly同Owen子溢兩人都會發展感情線，不過Owen就竟然對靚女拍檔Kelly不滿，Kelly呢日仲直接強攻，搞到Owen出煙冇得還擊喎。

子溢爆Owen於劇中被一眾靚女演員包圍，有過唔少經驗嘅佢，就以四個字已簡單概括晒成件事，就係「得個睇字」，難怪Owen話自己會專心演出，為女朋友派晒定心丸喇。

將會接受間諜訓練同復仇大計嘅Kelly，笑完Owen就笑指自己都未知角色嘅真正身份喇。而呢日有份現身嘅其他靚女們，原來全部各懷鬼胎，人人都係商業間諜，難怪大家都一身神秘黑色打扮為主出現喇，佢哋仲話會有百變造型完成任務咁話！