涂家堯生日Fans辦珠海遊樂團慶生 精心炮製首支單曲期待面世

星期四就係 涂家堯 生日，歌迷「涂寶G地」特別為Gavin舉行兩日一夜嘅生日遊樂團，同過百位成員與好友一齊慶生。一眾涂寶精心安排呢次珠海旅程，到訪景點又享受當地美食文化，行程非常充實。

家堯為報答大家嘅貼心，亦安排Live House演唱，仲一早細心挑選多首歌曲，好似《我恨我痴心》、《紅豆》、《愛在記憶中找你》、《只是太愛你》、《Perfect》回饋歌迷。而全場觀眾熱情揮動燈牌。Gavin當晚仲邀請咗王嘉明同樂壇女新人熙諭任嘉賓，涂寶更事先準備大蛋糕與及100支玫瑰作驚喜，令壽星仔家堯非常感動。

當Gavin獻唱《祝君好》時，更係全場大合唱，事後Gavin話：「生日願望係首支歌曲大家鍾意同應同，用咗好多時間選曲，亦精心挑選唔同作詞人，希望大家有煥然一新嘅感覺。而MV亦構思咗幾個唔同版本。希望會有特破性演出，製作出一首自己滿意嘅歌曲。」