劉晨芝製作真人騷節目 窺探香港及亞洲名人奢華生活

唔少觀眾對名流嘅生活都充滿好奇心，為滿足大家嘅求知欲，劉晨芝 Adrienne就製作出首部來自香港嘅英語真人騷節目《瘋狂名人社交》(Crazy Celeb Social) ，與觀眾一齊深入窺探香港及亞洲名人、社會名流嘅璀璨奢華生活。

呢個真人騷將於本月下旬於網上平台全球首播，Adrienne日前就喺本地著名酒吧舉行發布會，除咗有份於節目中露面嘅周家蔚、莊思敏、蔡頌思都有盛裝到場外，樂基兒、莊思明、翁嘉穗、栢天男、黃建東、陳志雲、張新悅、何浩文、胡敏珊及松岡李那等亦有到場支持。

今次呢個真人騷陣容包括 富豪趙世曾及女兒趙式芝、張名雅、周家蔚、莊思敏、馬天佑、劉晨芝等，而節目入面除咗會有佢哋嘅名流生活外，仲會有唔少親密對話、愛情與關係、個人挑戰等，務求令觀眾可以全方位感受佢哋光鮮亮麗背後嘅真實人生。