劉俊謙冒寒挑戰水底戲險缺氧 賣命演出全身盡濕考體能

劉俊謙為張家輝自編自導自演新作《贖夢》拍水底戲事前做特訓，劉俊謙呢日泳褲上陣，戲中有一場水底戲，要交代佢喺水底掙扎，一直游唔到上水面，劉俊謙要不斷練習水底閉氣，教練仲喺佢對腳加上鉛，營造往下沉嘅效果，正式拍攝當晚亦渾身解數獻出首次潛水戲演出。 

拍攝當晚係除夕夜，又氣溫驟降，劇組又未及準備暖水，劉俊謙仍賣命演出，連導演家輝都讚嘆佢對工作認真態度不可多得。劉俊謙為咗拍攝呢場夢境中水底掙扎戲，來來回回由水面跳落泳池水底不下數次，而工作人員亦喺現場預先準備薑茶、暖水袋，暖毯，等劉俊謙上水嗰陣，第一時間取暖，以免著寒。 

此外，劉俊謙話啲戲服全身盡濕，好考體能，仲要工作人員拉佢，先夠力上水面，每次上水要吸氧氣，有一刻真係唞唔到氣。