孟子義優雅現身分享宅女生活 孫陽緣慳主廚角色期待再遇

楊洋、孫陽、蔣欣同孟子義齊聚上海出席品牌活動，楊洋一身書生造型斯文靚仔，有俊男在場又點少得美女，孟子義就展現高貴大方美態。自言係宅女嘅孟子義，表示平時鍾意留喺屋企食美食同睇電影，以及多睡覺休息。

憑宮鬥劇《後宮甄嬛傳》華妃一角而爆紅嘅蔣欣就以型格打扮現身，佢向來畀人感覺獨立又硬朗，對待感情事絕非戀愛腦，所以早前被網民催婚時，佢就霸氣回應：「我點解要同自己過唔去。」盡現現代女性自立同灑脫。

孫陽一身裝束盡現陽光大男孩感覺，佢指平日私下穿着，都偏向簡單配搭造型，鍾情機能性衣服。問到未來演藝路想嘗試邊一類角色？孫陽就話之前未有緣出演主廚一角，希望將來有機會能飾演一名主廚。