奪命提示‧獨家花絮│阿Moon慘被子恆摑完再摑 勤練動作務求動作逼真

新劇《奪命提示》正式播出，除咗已出現狼吻同勁舞場面嘅 張振朗 同 劉穎鏇 之外，第3集就到 劉佩玥 同 黃子恆 上演激烈打鬥。阿Moon唔止連人帶櫈責落男護士打扮嘅子恆身上，仲慘被佢掌摑，阿Moon仲被打足幾巴，要狠下毒手嘅子恆一聽到Cut都即刻呵返阿Moon，驚出手太重呀。

事後受訪時，子恆雖然話非常肉痛打唔落手，不過阿Moon就指監製Jazz要求逼真，所以經討論好就決定大力兜巴打，好彩最後幾Take就完成。

阿Moon一早就自爆自己手腳動作麻麻，呢日就連子恆都指佢有好同事幫手，最後先順利制伏到佢咋。今次用足心機學做打女嘅阿Moon，仲話為畫面部份鏡頭要硬食，而子恆就對穿爆玻璃一場印象最深刻喇。