江若琳克服炒車陰影 被老公嘲笑要開天窗逃生

江若琳於去年12月揸車喺尖沙咀發生交通意外，其座駕自炒撞後翻側，不過好在人冇事，而事後網民就將呢個灣命名為「江若琳灣」。

雖然話就話人冇事，但自呢次交通意外後，江若琳就產生咗陰影，唔只有段時間唔敢揸車，就連行路經過出事地點都會繞彎走。為咗克服呢個陰影，江若琳日前就喺老公蕭潤邦Oscar陪同下再闖「江若琳灣」。

出發前江若琳對住鏡頭表示自己係一個擁有10年車齡嘅女車手，仲話自己手車係安全同可靠嘅，但當佢再次坐上司機位時就顯得相當驚青，而全喺副座嘅Oscar就不斷講嘢寸老婆，例如話架車嘅打燈聲就好似江若琳嘅心跳聲咁，之後又問要唔要幫佢開定個天窗，因為上次發生交通意外後，江若琳都係喺天窗逃生等，搞到江若琳相當忟憎，仲下令叫Oscar收聲。

最終江若琳當然順利安全地挑戰咗呢個「江若琳灣」，佢仲勁開心咁話終於為自己平反咗！其實自從發生意外後，接仔仔返學嘅重任就由老公頂上，而為咗唔令老公太辛苦，所以江若琳先下定決心要克服呢個彎位。