獨家丨羅家英成點心師傅偶像 馮盈盈笑指同行搵食有著數

羅家英率領馮盈盈同關楓馨拍攝嘅新節目《飲茶》將於24號推出，飲茶文化一直廣受大眾歡迎，就連外國遊客嚟到香港，都要去食點心朝聖一下，而節目中盈盈仲有機會跟家英哥去到廣州嘆茶，深入了解飲茶文化，對比下同港式飲茶有咩分別。

盈盈就話有好多傳統點心係由廣州傳落香港，但香港亦有好多點心係香港人自己發明，從而引入返去廣州。家英就指廣州嘅點心有好多形式，蝦餃就已經有傳統款同兔仔款，至於香港嘅點心就多新式點心。而留守香港嘅關楓馨就話聽咗唔少家英哥分享嘅故仔，而自己亦會講吓細個時飲茶嘅趣事。

盈盈爆佢哋個節目其中一個賣點，就係好多點心師傅都係家英哥嘅fans，所以每次同家英哥一齊去拍節目時，對方都會拎出最拿手嘅招牌點心，有時仲會有獨家升級版點心，叫觀眾們一定要留意收睇！

至於講到最喜愛嘅點心，家英哥就話自己最愛腸粉，佢仲分享自己對腸粉嘅高要求標準呀。而講到另一半汪明荃嘅口味，家美哥就話對方相當奄尖，平時最愛食蜂巢芋角，佢話因為拍呢個節目而知道點先可以整一碟好食嘅蜂巢芋角，問到係咪會親手整畀阿姐食？家英哥就即刻耍手擰頭喇。