羅啟豪見證中一戰友出單曲 一時感觸於發佈會流男兒淚

《中年好聲音》唱將羅啟豪、龍婷、顏志恒、丁文俊、林彥言（前名 林鉫徫）同吳大強齊集商場，聯合舉行新歌發佈會，宣佈個人單歌正式發行，其中龍婷、丁文俊同林彥言嘅新歌更係首度公開獻唱。

龍婷比賽後首支單曲，係由著名音樂人小蟲打造，佢話2019年認識對方，而小蟲亦答應為佢歌，但經歷疫情而暫時放下。直至2023年夏天，佢突然收到對方嘅作品，並且邀請佢到北京錄音。

再次推出新歌嘅羅啟豪，見證戰友們陸續推出新歌，佢一時感觸流淚。顏志恒話講咗要出新歌講咗成年，終於喺今年3月27號正式上架。丁文俊就話等咗唱自己作品畀大家聽好耐，心情好激動。為咗新歌而改名嘅林彥言，指改名係代表新開始，佢今次係搵陳俞霏介紹師傅改名。

大強嘅新歌去年經已推出，嚟緊為響應《香港唱片店日2025》，一眾中聲唱將嘅首支個人單曲，會推出限量黑膠碟，可以推出黑膠碟，大強都話機會難得。