柳冕發起輪椅花車慈善巡遊 獲丁文俊魏嘉信等中聲戰友撐場

一向積極行善嘅柳冕，呢日舉辦咗一場輪椅花車巡遊慈善活動，獲一班中聲老友包括丁文俊、魏嘉信、何博文、林彥言、梁凱榳、李泇霖等撐場，佢話好開心能夠創下呢次善舉。活動主旨係希望傷殘人士都可以過上精彩嘅生活，所以將輪椅裝飾成美輪美奐嘅花車，真係好有意義。 

舉行活動前一日橫風橫雨，一班中聲老友都擔心活動受到影響，好彩天公造美，活動當日風和日麗，丁文俊就話因為做善事連老天都支持，而林彥言為咗共襄盛舉，仲推晒工作特登嚟撐場，認真唔話得。 除咗親自嚟支持，幾位中聲戰友都有份設計輪椅花車，好似顏志恒、李佳等，而丁文俊仲聯同粉絲以及屋企人一齊設計，除咗可以行善，仲可以趁機宣傳吓新歌，可以話係一舉兩得。