涂家堯珠海慶生翻唱金融曲回饋歌迷

參加《中年好聲音》後正式以歌手身份出道嘅 涂家堯 ，早前獲歌迷會特別為佢舉行「家堯生日珠海遊樂團」一齊慶祝 ，過百位「涂寶」(歌迷暱稱)精心安排一系列活動，遊覽唔同景點之餘，又選擇一間農村菜安排豐富午宴。

Gavin為回應歌迷厚愛，早前特別翻唱陳曉東嘅《愛你躲你》，作回饋禮物，特別喺生日公開，呢首歌Gavin花成個月時間錄製，又邀請唔同好友協助錄音同拍攝，希望令歌迷有耳目一新感覺。

最近Gavin忙於喺香港同大灣區登台，早前又同「中聲」戰友出席周吉佩嘅澳門演唱會。Gavin仲話會繼續努力創作更多優質音樂，又期待與唔同歌手合作，亦會繼續翻唱金曲，希望有更多機會到大灣區登台演出咁話。