Windy首嘗歌舞劇演出被指似足寶珠姐 導演大讚表現出色歡迎回歸

聲夢小花 詹天文 日前應邀於舞台劇《我們的青春日誌》限定現身，首次挑戰歌舞劇演出，出色表現仲收到一致好評。仲有觀眾表示，Windy嘅氣質同風格，令人聯想到傳奇女星陳寶珠，認真威水。

長壽音樂劇《我們的青春日誌》自2018年起公演，講述一群年輕人追夢過程中嘅成長同掙扎，至今已演出超過600場，早前更於『演藝大世界音樂劇風雲榜』榮獲『年度優秀音樂劇』大獎。

Windy於劇中飾演嚴麗珍校長嘅年青版，一向歌喉出眾嘅佢唔止歌唱方面表現出色，今次嘅戲劇演出仲展現佢極高天賦嘅一面。Windy指今次歌舞劇演出係一次全新挑戰，今次參與演出學到大量知識之餘，劇情更令佢感觸落淚。

去年先完成高中課程嘅Windy，指當中對白令自己有極大啟發，又特別多謝導演同劇組嘅指導。導演兼監製 陳恩碩 亦大讚Windy表演出色，認為Windy非常適合擔任舞台劇演員，仲希望往後Windy能再次參與演出呀。