黃翠如蕭正楠舒適BB房曝光 周興哲愛兒滿月派雞腿油飯

唔少娛樂圈中孕媽媽都陸續分娩，一位位可愛嘅星二代接住出世，日前同Daddy蕭正楠度過生日嘅小王子，媽媽黃翠如 26號就跟限時動態度PO出囝囝瞓喺舒適BB房嘅新相，仲好窩心問「小朋友，你喜歡你的房間嗎？」

而另一個限時動態，就係翠如同阿蕭接小王子出院時，同一眾醫護人員，以及幫小王子接生嘅何嘉慧醫生影相留念，當時何醫生抱住小王子，身邊嘅翠如就不停同囝囝講，要好好多謝為佢接生嘅何醫生，之後又話何醫生指小王子同媽媽好似樣，何醫生聽完都即刻點頭贊同。

同樣喺今年喜獲麟兒嘅周興哲同太太趙岱新，同日喺社交平台就分享咗囝囝Baby B嘅多款不同造型相，兼且仲有按傳統於彌月時回禮嘅油飯、雞腿及雞蛋。雖然未見Baby B嘅容貎，但見到初生嬰兒嘅手手腳腳經已可愛非常。再度榮升為父母嘅周興哲與太太，仍難掩興奮心情，喺回禮盒中心意卡，除了引用聖經金句，亦寫上「與您分享這份喜悅，祝福您的每一天充滿愛與恩典，平安喜樂。」不少人都喺佢哋送上祝福。