獨家丨羅啟豪孖顏米羔聯手開網上騷 揀冷門電影音樂劇歌獻唱

兩季《中年好聲音》嘅季軍 羅啟豪Ramon 同 顏米羔 嚟緊會進行一場網上Music Jam，周國豐就會擔任主持。

Ramon畀人一種文質彬彬嘅感覺，米羔就搖滾味十足，今次佢哋就揀選以電影同音樂劇主題歌曲，當中仲有唔少係冷門嘅曲目。Ramon話揀嘅歌曲都係平時出騷好少機會唱嘅，周國豐就笑指平時啲參賽者揀呢啲歌曲出戰實凶多吉少。

兩人透過中聲入行做歌手，從素人不斷累積經驗，周國豐都覺得佢哋進步唔少，Ramon就增添唔少信心，米羔就由以前好火爆，到而家展示到好溫柔一面，而今次歌單中，米羔就揀咗唔少好柔情嘅歌曲。