奇情谷丨吳若希對老公怪行為起迷思 火火極速為拍檔拆解婚姻迷團

吳若希Jinny、火火同曾展望主持嘅直播感情節目《奇情谷》即將喺TVB Plus播出，佢哋聯同喺節目Chat Room同觀眾互動嘅「花生Girl」葉靖儀、黃子桐、梁荺苓同吳文懿一齊現身宣傳記招，三位主持雖然係初次合作，但經已默契十足，Jinny更期待咗做直播節目好耐，因為有咩節目可以除咗粗口以外，乜嘢都講得。

節目入面，大家可以蒙面講自己嘅故事，即使你講咗都冇人知你係邊個，咁就變成一個好好嘅平台去分享自己特別嘅故事同埋舒發情緒。

一向敢言嘅Jinny，未知會唔會搵老公嚟做嘉賓，但係佢就話想聽人哋嘅老公分享多啲。Jinny又爆喺屋企搵到大量打火機，懷疑老公食煙。身為人夫又機靈嘅火火就拆解，指呢個係日本嘅習俗，只要老公掛住老婆，就會買一個打火機「撻一下愛火」，然後就收埋，所以你搵到大量打火機又無煙，就代表老公好掛住妳，令Jinny哭笑不得。