StarTalk丨李佳為個唱親自設計設歌衫 盼有朝一日與兒子同台合唱

李佳 呢日作客《StarTalk》，接受主播 詹可琳 嘅專訪，嚟緊佢將會舉行《中年好聲音》後首個個人演唱會。由比賽至今，李佳由一個素人變成一位樂壇歌手，佢都話多咗好多表演機會，所以佢覺得好感恩，希望藉住呢次演唱會唱多啲Jazz，畀大家見到真正嘅李佳。

除咗預告個唱會融入少少舞蹈之外，原來呢次個唱嘅歌衫都係由佢親自設計。雖然工作排山倒海，但李佳都盡量抽時間陪家人，佢話兩個仔都好體諒自己，反而係老公有少少微言。

講到兩個仔，李佳話佢哋都有音樂天份，仲開始識得欣賞佢嘅歌聲，令李佳覺得好窩心，仲話好期待有朝一日有機會阿仔一齊同台合唱。