李子雄兒子患罕見病妥瑞症 老婆王雅琦哽咽稱發病時不受控制抽動

資深演員李子雄早年往內地發展，於2010年與有「回族第一美女」之稱嘅內地演員王雅琦結婚，婚後育有兒子「糖豆」。65歲李子雄對6歲兒子糖豆非常愛錫，李子雄老婆王雅琦日前喺社交平台落淚公開阿仔「糖豆」喺4歲嗰年確診罕見病，患上患妥瑞症，有時會不受控制抽動。

王雅琦透露阿仔「糖豆」喺4歲嗰時第一次發病，幼兒園放學後，佢見阿仔眼睛不停眨，完全唔受控制，王雅琦起初以爲阿仔眼睛唔舒服，幫阿仔滴幾日眼藥水，情況卻越嚟越糟糕，「開始聳鼻、挑眉毛，特別有壓力、緊張的時候，症狀更明顯」，嚇到王雅琦手足無措。

王雅琦帶阿仔前往兒童醫院神經內科檢查，確診患上抽動症，即慢性神經生理疾病妥瑞症，當時醫生話「糖豆」目前透過觀察治療，再嚴重嘅話就透過藥物控制，王雅琦嘗試上網搵大量資料同病例，將阿仔帶去專業實驗室做檢測，發現阿仔對小麥、牛奶、雞蛋、鱈魚等食物全部有中度至重度的不耐受問題，導致阿仔嘅腸壁功能下降，即係腸痿，身體長期處於炎症狀態；王雅琦話呢啲食物都係阿仔平時鍾意食嘅嘢，經觀察後，發現阿仔每次食完麵約20分鐘先會出現抽動症狀。

王雅琦研究無麩質食材，將麵粉改用全米粉製作等，開始調整阿仔飲食習慣、配合健脾胃按摩手法，喺唔使食藥打針情況下，發現阿仔抽動症狀消失，阿仔之後兩年裡病症從未復發，王雅琦話阿仔路過蛋糕店時，雖然會望住蛋糕好想食，阿仔「糖豆」亦好懂事，未試過吵鬧。