金城武神隱多年激罕露面 文青Look拍宣傳片男神風采依舊

「謎一樣的美男子」金城武神隱多年，日前終於回歸大家視線！金城武以一個日系品牌嘅內地地區代言人身份，著住一身悠閒風格打扮拍攝宣傳照同影片。

雖然金城武已經年過50，但依然不失男神成熟風采，一班Fans都大讚佢靚仔、型爆。從宣傳照可見，金城武一手插袋、一手推住單車，擺出自然又有文青風格嘅Pose。而喺另一張相中，金城武就換上藍色襯衫、深色長褲，坐喺階級邊笑邊望住手上嘅綠色植物，喺拍攝花絮中佢仲拎住個鏟，認真投入整理花圃之餘，更鬼馬拎起盆栽做出要「大咬一口」嘅Pose。

個性低調嘅金城武定居日本，亦少有露面，對上一套上部電影作品已經係2017年同周冬雨合作嘅《喜歡·你》，同年拍好嘅另一套戲《風林火山》等咗8年都未上映，不過近期就瘋傳有望可以喺2025年正式面世。