《餘情未了》李國祥離世終年60歲

歌手 李國祥 離世，終年60歲。 佢上星期於社交平台Post出陰暗天空嘅影片，加上一句「Bye」，唯未引起太多注意。其好友周啟生接受傳媒訪問時證實李國祥已離世，又指對方肺部有類似腫瘤嘅嚴重問題，需接受大手術，又指對方係一個好人。

近年專注內地發展嘅 李國祥 參加第八屆新秀出道，1991年更曾獲商台叱度咤樂壇新力軍男歌手金獎，隔年推出《摘星的晚上》、《餘情未了》等經典金曲，自當年起一直流行至今。

1991年，李國祥推出首張個人專輯《BLUE》，主打歌《藍色Sha La La》連續兩週登上電台播放榜第一位，更擊敗同期出道的郭富城。隔年推出嘅《餘情未了》更成為其代表作，獲得金唱片銷量之餘，仲獲邀參加日本東京音樂節。1993年佢同倫永亮合唱《總有你鼓勵》成為卡拉OK熱門點播歌曲，其時仲進軍台灣市場推出國語EP。

李國祥後來轉為發展製作Hi-Fi發燒唱片，2015年舉行首個個唱「餘情未了演唱會」。其後佢於雜誌訪問中公開出櫃，近年佢主要於內地發展，2023年起擔任廣州一間傳媒公司嘅藝人總監。