「40億孫女」蔡頌思嫁日籍金融才俊 家族生意遍世界各地特首到賀

據指家族資產高達40億，曾參加香港小姐競選嘅 蔡頌思 ，月初公佈獲任職金融界嘅日籍男友以超巨鑽戒求婚成功，原來一對新人星期六已經於香港擺酒正式成婚，更獲特首 李家超 親臨見證。

Joycelyn嘅爺爺係有海產大王之稱嘅商人 蔡繼有 爸爸就係現任新華集團主席 蔡冠深 ，家族生意包括本行海產、餐飲，亦發展至地產、金融、傳媒及影視、基建以及教育等範疇。Joycelyn中大畢業後因醉心演戲，曾赴北京電影學院進修，後返港更曾獲香港演藝學院收錄，2019年就有機會同 古天樂 張達明 吳鎮宇 同 袁詠儀合作電影《家和萬事驚》成處女作，隔年曾參選2020香港小姐競選，唯中途就退出。

Joycelyn同唔少圈中人熟稔，社交平台亦見佢參與唔少影視製作，年前就同 黃建東 合作演出舞台劇《老公，你好悶呀！》，近年則專注發展水底表演藝術，最近仲代表香港出戰美人魚比賽同世界潛水小姐。