中聲唱將顏志恒推首支個人單曲 歌迷港鐵站打造《浴室歌王》空間

《中年好聲音》唱將 顏志恒 終於正式推出首支個人單曲《浴室歌王》，一班Fans亦相當錫Benson，為佢準備一份超大應援禮物，喺鑽石山港鐵站走廊兩排租用共15個廣告燈箱同8個LED大螢幕做廣告，不斷播住Benson新歌嘅MV預告，打造一個浴室歌王嘅空間。

Benson亦親自同太太去現場打卡，佢又以語音訊息公開多謝Fans們嘅支持：「我記得踏入呢個空間，大約有一個籃球場咁大，我第一次去一個有自己把聲又有自己個樣嘅空間，起初都覺得有啲尷尬，太太話我耳仔同面都紅晒，再次多謝我啲Bens送畀我嘅禮物。」